El malvís o tordo ye un páxaru de tamañu como el ñerbatu pero de color amarronao. Tien el pescuezu blanco, como la pechuga y los flancos mariellos, y por embaxo ta mesto de pintes escures. Ayeri ficei unes semeyes a unos malvises nel parque de Lluanco onde la playa.
El zorzal común Turdus philomelos es un pájaro de talla similar al mirlo, pero de color marrón.Tiene el cuello blanco, al igual que el pecho y los laterales amarillentos, y por debajo esta lleno de pintas oscuras. Ayer le hice unas fotos a un zorzal en el parque de Luanco en la zona de la playa.
El malvís pue vese en Gozón los meses de ochobre a marzu polos praos y los matorrales del conceyu. Entren abondo con les ñortaes, cuando se cubren de ñeve los praos nel continente europeo. Sicasí, namás unos pocos queden aquí pa añerar nos rincones meyor conservaos, con carbayos, abedurios y comunidaes vexetales autóctones.
El zorzal se puede ver en Gozón los meses de octubre a marzo en los prados y matorrales del concejo. llegan muchos con las olas de frío, cuando se cubren de nieve los prados en el continente europeo. Sólo unos pocos se quedan aquí para anidar en las zonas mejor conservadas, con carbayos, abedules y comunidades vegetales autóctonas.
El malvís fai los ñeros peles sebes y matorrales, y entama a canciar agora que el iviernu va finando. Tien un cantar bien prestoso, de los más guapos ente los páxaros asturianos, polo qu’hai xente que los enxaulaba, anque nun suelen aguantar cuando tan presos. Tamién se cazaba abondo, anque de suerte agora ya ta vedao.
El zorzal hace sus nidos por los setos y matorrales, y empieza a cantar ahora que va terminando el invierno. Tiene un canto muy hermoso, de los más bonitos entre los pájaros asturianos, por lo que hay gente que los enjaulaba, aunque no soportan estar en cautividad. También se cazaba mucho, aunque por suerte ahora su caza está vedada.