TORNEN LES VISITES GUIAES N’ASTURIANU DE  Xixón Tours !

Y yo tengo el gustu de dir a tar con vosotros en tres d’elles.

• 

– Estrenamos XIXÓN GOLFU, una ruta na que vamos conocer tóo tipu de golfos d’entamos del sieglu XX, ya lo foran por maldá, necesidá o ideoloxía. Un percorríu pelos vieyos baxos fondos de la ciudá. | Vienres 16 de xunetu, a les 20.00 (primer pase) y 21.30 hores.

• 

– Estrenamos XIXÓN Y LES TRAXEDIES DE LA MAR, un percorríu peles traxedies más desconocíes que vivió la ciudá mientres la última metá del sieglu XIX y la primera del XX. N’ella conoceremos casos de naufraxos mientres la Primer Guerra Mundial, les lleendes del Reina Regente y hasta barcos pantasma. | Domingo 18 de xunetu, a les 19.00 (primer pase) y 20.30 hores.

– Y torna XIXÓN METE MIEU, la ruta más esitosa de Xixón Tours, na que conocemos la hestoria más negra d’Asturies con un paséu por Cimavilla nel que transitaremos por lleendes bien reales que falen de crímenes, supersticiones, infanticidios y del dexase matar. | Vienres 23 de xunetu, a les 20.00 (primer pase) y a les 21.30 hores.

El preciu de cada visita ye de 10€/ persona pa mayores de 18 años, 8€ pa 13-18 años y de baldre pa la reciella. Podéis acutar plaza ya en  https://xixontours.verasturies.com/

La entrada TORNEN LES VISITES GUIAES N’ASTURIANU DE  Xixón Tours ! se publicó primero en · La cantera de Babí ·.