L’aniciu del branu, finales de xunu y mes de xunetu, ye quiciabes el meyor momentu del añu pa agüeyar a les caparines na zona centro d’Asturies. Ye agora cuando más especies vamos poder rexistrar, que correspuenden a les diferentes estratexes de vida que les caparines tienen.
Asina, hay delles especies braniegues que esnalen namás que nestos meses, como por exemplu la ninfa la biesca Limenitis camilla, propia de les biesques de humeros a la vera los ríos…
o el llobín agreste Pyronia tithonus, que vive xunto a los artos.
Al entamar el branu les caparines más abundantes nos praos de siega asturianos son la medioluto norteña Melanargia galathea y la lloba Maniola jurtina.
El branu ye también la dómina donde más abunden delles especies que esnalen to’l añu, como la c-blanca Polygonia c-album, que ye más abondosa xunto a los ríos y regatos.
O bona parti del añu como la pequeñina náyade Celastrina argiolus que esnala mucho ahora onde los artos pa llibar de les sos flores.
La caparina mariella cleopatra Gonepteryx cleopatra tien una sola xeneración que xurde enantes del branu y vive casi to´l añu, Agora enantes de hibernar esnala d’un llau a otru a la gueta de flores pa llibar.
Y también tenemos caparines que tienen dos o hasta tres xeneraciones al añu y xurde agora la de branu, como la ninfa de Linneo Coennympha pamphilus, la ícaro dos puntos Polyommatus icarus, la naranxina rabicorta Cupido argiades o la manto prietu Licaena tityrus.
Puzzle Bobble
Karate Blazers
Puzzle De Bloques
Magical Cat Adventure